وصلنا هذا الشعر الجميل من الزميل بدر. اقرأوا معنا
طب ألمّح ولا أتكلم دوغري
أقول كلمتين وأطلع أجري
والعيش مطرح ما يسرى هحط رجلي
طوابير العيش مليانة
من أول الشارع مغطية الدكانة
والناس خلاص عدمانة
كله واقف مهرى فمهري
علبة سجايرى كليوباترا
ومشوفتش اللحمة من فترة
جعان أنا على الفطرة
ومبقولش غير آه يا مُرّي
اللى بتكلم عليهم دول إحنا
ناس مننا بس إحنا
فلتنا بالحظ من المحنة
واللى فلت بيطلع يجري
أنا مش هجيب عيش بلدى تاني
ما الفينو بـ5 جنيه كفانى!
ولو شفت طابور هغمض عينى في ثواني
دى مشكلة واتحلت.. هقول كده في سري
أنا كده إتكلمت بصراحة
بس عمري ما هحس براحة
غير لما أعرف فين فلوس القناة والسياحة
ولا كله على عياله بيجري
Filed under: غير مصنف |
تضامـــن 
Leave a comment