وعود بصرف أجور عمال مصنع أبو السباع اليوم أو غدا

كتبت فاطمة رمضان

عاد عمال أبو السباع للعمل يوم 10/10/2009 بعد الأجازة التي مدها صاحب المصنع بعد إجازة عيد الفطر حتي يوم 3/10/2009، ثم مدها مرة أخري من خلال منشور علقه ذكر فيه أنه نظراً لعدم وجود طلبيات وتأثر المصنع بالأزمة العالمية، يتم مد الأجازة أسبوع آخر.

هذا والعمال لم يقبضوا من المدة من 1/9/2009 وحتى 15/9/2009، وكان من حقهم قبضها يوم 20/9/2009، ولكنهم لم يقبضوها حتى الآن، ووعدهم صاحب المصنع أنهم سوف يقبضون في أيام الثلاثاء والأربعاء 13-14/10.

وعن نظام القبض يقول العمال بأن عمال الإنتاج تحسب لهم يومية 15 جنيه، بالإضافة إلى الإنتاج الذي يحسب بالفية – والفية في أبو السباع والصامولي أقل فيه بين عمال المحلة – فيتم حساب الألف حدفة بـ 17 قرش، بينما في الأماكن الأخري تحسب بـ 35 قرش و 40 قرش، والبشكير 4 آلاف حدفة، وأنه عندما تتعطل الماكينة يحاسب العامل علي اليومية 15 جنيه فقط.

ويتحدث العمال بأن أبو السباع فوق القانون، وله عيون في كل مكان، وأنه على استعداد لأن يدفع آلاف الجنيهات في القضايا ولا يعطيها لعامل، فمدير مكتب العمل موجود داخل مكتب أبو السباع حتى الثانية عشرة ليلاً، وبتوع مكتب العمل لما بييجوا يفتشوا بيدونا الكمامة ويرجعوا ياخدوها تاني، حتي لما الموظفين ينزلوا يمروا ما بيكلموش حد فينا، ولا يسألونا على حاجة ويطلعوا بعد كده يقعدوا في مكتب المدير.

وأضاف أحد العمال: أبو السباع شغله كله مع العمال تظبيط، هو معين عنده عدد من البلطجية كل واحد فيهم مسئول عن عدد من العمال، لما قبضي ما يعجبنيش أتصل بالشخص المسئول عني وأقول له أن قبضي مش عاجبني، فيقول لي ما لكشي دعوة أشتغل وقبضك هيتظبط، حتى الناس اللي مشيت مش كلهم أخدوا زي بعض، فيه ناس خدت 20 ألف وناس 22 ألف وناس 25 ألف كله حسب التظبيط، عدد العمال المؤمن عليهم 1565 في حين أن عدد العمال أكثر من 3 آلاف عامل، بس إحنا ما اشتغلناش بقلنا 3 شهور، علشان كده فيه ناس كثير مشيت.

وأضاف عامل آخر: أحنا ما بناخدشي أجازات حتي أيام الجمع وأجازات الأعياد، لما بشتغلها بيحسبها لي بيوم ونصف، ولما ما بشتغلهاش بيخصم حافز الغياب كله، بيخصم يوم الأجازة اللي ما بنرحهوش بـ 100 جنيه.

وبسؤال العمال عن ما يعتزمون فعله في حال عدم صرف أجورهم يوم الثلاثاء أو الأربعاء، فقالوا لازم نقف علشان إحنا عندنا بيوت مفتوحة نصرف عليها منين، لو ما قبضناش كويس هنقف، هو بيقول هيقبضنا على الأجر التأميني والأجر التأميني 130 جنيه في الشهر أعمل بيهم أيه؟؟!!