عشرات المواطنين يتظاهرون بقرية كفر حجازى فى المحلة احتجاجاً على تدهور حالة المرافق

كتبت سهام شوادة

 احتشد عشرات المواطنين من اهالى قرية كفر حجازى التابعة لمركز المحلة الكبرى داخل بلدتهم امس احتجاجاً على تدهور حالة المرافق ومطالبة بردم احد المصارف يمر داخل القرية ، وجاء تظاهر الاهالى بعد تجمع العشرات من النساء والرجال والاطفال.

 يقول سلامة علوان – 70 سنة – :” ما بنعرفش ننام من الحشرات والدخان وريحة الزبالة اللى بتطلع من المصرف كل يوم ، مش عارفين حتى نتنفس وغلبنا شكاوى ومحدش معبرنا ، ومش عارفين نروح لمين؟”

 ويضيف على الزعفران – 40 سنة موظف بشركة غزل المحلة للغزل والنسيج – :” المصرف اتردم نصه ايام الانتخابات بمجهود مرشح ولما سقط فيها محدش شاف وشه ، لانه كان بيعمل كدة علشان اصوتنا وبس ، وفضل باقى المصرف الناس ترمى فيه الزبالة لحد ما جاب لنا ولاطفالنا الامراض الوبائية والجلدية ، هو احنا بنطالب بحاجة كبيرة دى ابسط حقوقنا ان احنا نعيش فى بيئة نضيفة ونحافظ على صحة ولادنا ، امال هما المسئولين شغلتهم اية بالظبط؟!”.

 ويؤكد عمار البحيرى – 36 سنة موظف بالادارة العامة للامن المركزى– ان الاهالى تناشد عبد الحميد الشناوى محافظ الغربية بالتدخل لردم المصرف خاصة بعد ان ارسل الاهالى العديد من الشكاوى للوحدة المحلية ومجلس المدينة ولكن جاءت دون جدوى ، مشيراً ان المحافظ قام بزيارة تلك المنطقة عند توليه المنصب فى بادىء الامر ولكن المسئولين قاموا بتنظيف المكان قبل الزيارة بشكل مؤقت الا انها عادت كما كانت من قبل !! ، وطالب بسرعة التدخل من جميع الجهات لحل تلك الازمة قبل انتشار اوبئة خطيرة بالقرية

Continue reading