عمال شركة دايو يتحدثون: حسام أبو الفتوح يدعي الخسارة حتي لا يدفع لنا حقوقنا

بدأ اليوم 800 عامل من عمال شركة دايو للسيارات، المملوكة لحسام أبو الفتوح اعتصام أمام إدارة الشركة، بعد أنتهاء موعد عملهم، وذلك بعد أن أجتمع بهم حسن حسام أبو الفتوح، وقال لهم مالكوش عندي حاجة، ما فيش علاوة وما فيش ارباح.
وقال أحد العمال:”إحنا بقالنا 3 سنين ما بناخدشي أرباح، كل سنة يقولوا لنا أنهم خسرانين، إحنا عاوزين حقنا في الأرباح، وكمان عاوزين العلاوة الـ 15%” وأكمل عامل آخر:” إحنا بننتج كل يوم 60 عربية ودي انتاجية عالية تبقي الخسارة هتيجي منين، وكمان الشركات اللي زينا زي جينرال موتورز، و M.B.Wبيدو أرباح للعمال أشمعنا عندنا ما بناخدشي أرباح رغم إننا بنشتغل”
وأوضح العمال بأن هناك تفاوت كبير بين المديرين اللذين يتقاضون مرتبات شهرية تفوق الـ 60 ألف جنيه، بخلاف تخصيص سيارة لكل منهم، بكل مصاريفها، وخط تليفون مفتوح، بينما العمال الفنيين لا تزيد مرتباتهم عن 1000 جنيه شهريا، هذا بخلاف أن صندوق الزمالة الذي يدفع اشتراكاته العمال رغماً عنهم يستفيد به الكبار، ولا يعرف عنه العمال شئ.
وعندما قال العمال هذا الكلام لـ حسن حسام أبو الفتوح اليوم، رد عليهم أنا حر، وما حدش ليه عندي حاجة.
ويقول أحد العمال:” قبل الثورة كنا بنسمع الكلام  ده وأصحاب الشغل كانوا طايحين وما بيدوناش حقوقنا، طب بعد الثورة قلنا هناخد حقوقنا، خصوصاً لما  قعدوا معانا يوم 2 مارس 2011 في أيام الثورة ووعدونا بأنهم هينفذوا مطالبنا، وأن صندوق الزمالة هيمسكه العمال، وأننا هنشتغل 8 ساعات وبس، دلوقتي بيلحسوا كل كلامهم ووعودهم، طب نروح لمين يجيب لنا حقوقنا؟؟!!”

4 Responses

  1. احنا تم سبينا من بعض المهندسين فى الشركه الذى يصل مرتبه حوالى 50الف جنيه

  2. لما يكون رؤساء القطاعات فشلين تبقى دي نتيجة عادية محمود سعيد المدير المالي تاريخه زي الزفت في شركة شيفرون ومكنش يحلم باللي هو فيه مصطفى غانم رئيس قطاع المبيعات كان بتاع سخنات ايه اللي جابه يبيع عربيات ده مبيفهمش اصلا في البيع ورئيس قطاع خدمة ما بعد البيع محمد ابو النوم ايوا قصدي نوم مش ابو النور واحد مقضيه وبيروح الشغل ينام ويمشي وخبرته في الضيع ورئيس قطاع الشؤن الادارية كان في بروكتل اند جامبل موظف شؤن ادراية عادي وبعدين اهي برتيتا وبتاكل حقوقنا حسبنا الله ونعم الوكيل فيهم هم وراء كل ما يحدث

  3. ربنا يكون في عونكم
    واستمروا الى أن يرجع الحقوق لأصحابها
    علما بأن حسام أبو الفتوح وحسن أبو الفتوح بيضيعوا حقوق العمال اللي شايلين المصنع مش المهندسين اللي قاعدين على مكاتبهم ومش وراهم غير لعب الكوتشينة على الكمبيوتر وبيقبضوا بالـخمسين ألف والستين ألف وغير كده كمان بيتصرف عليهم هما وأهاليهم بيجلهم خطوط موبايلات مفتوحة والشركة هي اللي بتدفع ( قصدي العمال هم اللي بيدفعوا من تعبهم )
    غير كده كوبونات البنزين اللي ملهاش عدد مع كل مهندس أو مدير علشان يمونوا بيها عربياتهم اللي أصلا بتاعة الشركة
    وغير كده الفلوس اللي بتتصرف على وجبات المهندسين بالملايين مثل كراتين الكانز ووجبات الكنتاكي ومؤمن .
    بالزمة مش كده حرام ناس تاخد شهريا بالالفات غير الوجبات والمصاريف التانية .
    حرام عليهم العمال مش طالبين غير حقوقهم اللي وكلنها عليهم بقالها 3 سنين .
    لو الفلوس اللي بتتصرف على ترفيه المهندسين يسددوا بيها حقوق العمال يبقى كده مش هنقصر على المهندسين اللي كده كده بيقبضوا بالألفات .
    على العموم حسبنا الله ونعمة الوكيل
    ولكل ظالم نهاية

  4. الى المهندس حسام ابو الفتوح والاخ حسن هذه الاسماء من اساس فساد العمل وعندى دلائل تؤكد ذلك 1-م-وليد حمدى —2-م-ايهاب العيسوى ومنظومته المكونه من —هانى محجوب مشرف قسم التجميع ——————————خالد زعزع المخازن ————————————————–جمال البودى———————————————————–اسماعيل كسبان الجوده———————————————

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: