كل دي احزاب يا ربي!

مدي عشان نلحق الطابور.

بيقولوا الامتحان جاي سهل عشان الثورة وقفل المدارس، برضه فايدة من الثورة.

يا مفترية دي ثورة الشباب، في العالم قالوا عايزين نتعلم منها. وبنات زي الورد ما يشفوهاش غير كده.

طب ما احنا هتفنا حرية وعدالة واجتماعية. لكن الحرامية مبتتحاكمش ولا شفنا تغيير. و كل يومأاحزاب جديدة، شمال ويمين، يسار وإخوان.

ما هم كل ما يطرمخوا، يسمعوا مليونية يتحركوا سِنة. بس التحرير مش هيفضل لنا للأبد، يعني الأحزاب ضروري عشان نلاقي سكة نفضل ورا مطالبنا  لحد ما نحققها. بس المهم أنها تبقى بتاعتنا.

وازاي نختار الحزب بتاعنا يا أم العريف.

مش كميا. اللي كلامه فيه مطالبنا، وما بيكدبش ولا يقول كلام وتاني يوم يقول ما قلتش. ومش زي بتوع الحزب الوطني: تربيطات ورشاوي وكلام مدهنن، دا احنا خدنا الكورس كله يابنتي، نثق في مخنا. ولما يبقى معظم اللي في الحزب مننا، مصرين على مطالب الثورة، هنقدر نعدل لو معجبناش مشيه.

و رأيك إيه مطالبنا يا زعيمة؟

تبتدي من مطالب الطلبة وطالع لحد حريتنا في بلدنا، وإننا نقدر نحاسب الكبار لما يسرقوا. تعليم كويس من غير أهلنا ما يكعوا دم قلبهم. ومكان في الكلية اللي نفسنا فيها، نتخرج نلاقي شغل، ونعرف نتجوز طبعا، ومرتب أبونا وأمنا يكفي من غير مناهدة وخناقات. نمشي في الشارع رافعين راسنا زي ما كنا بنقول في المظاهرات، لا خايفين من واد يرزل ولا أمين شرطة يتفاتك ويبلطج.

الحزب اللي أهدافه معناها كده هنضم له واشتغل جواه عشان نحققها.

طب مدي ياختي ، وبعدين نكمل مناقشة مع البنات، والأولاد كمان زي بعضه. 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: