عمال بتروتريد الزيتون ينضمون لزملائهم المعتصمين في الإسكندرية وطنطا والمنصورة

كتبت فاطمة رمضان

انضم  اليوم عمال بتروتريد فرع الزيتون بالقاهرة لزملائهم المعتصمين في أفرع الشركة بطنطا والمنصورة وطلخا و الإسكندرية، وذلك للمطالبة بالمساواة بزملائهم المعينين علي الللائحة القديمة وإلغاء اللائحة الجديدة.

ويبلغ عدد أفرع الشركة 44 فرع على مستوى الجمهورية، ويعمل بها  18 ألف عامل.

ويعاني عمال شركة بتروتريد من التمييز بينهم وبين من سبقهم في التعيين حتي ولو كان أحدث في العمل داخل الشركة.

فيقول أحد العاملين بفرع الزيتون: “أنا زميلي اللي قاعد جنبي بيقبض 4 آلاف جنيه، وأنا ما بكملشي الألف جنيه بكل البدلات، رغم إننا زي بعض وبنشتغل نفس الحاجة وفي نفس المكان فإزاي أنا أقبض أقل من ربع اللي هوه بيقبضه.”
والفرق بين من تم تثبيتهم حتي عام 2007، ومن تم تثبيتهم فيما بعد ذلك كما يلي

من تم تثبيتهم من 2003-2007 ومن تم تثبيتهم مع بداية 2008 


المرتب الأساسي 195 جنيه 110 جنيه
بدل الانتقال 100% 50%
بدل التخصص 100% 23%
حافز إنتاج جماعي 400% 70%
حافز الخبرة 100% 40%
العلاوات 100% الحد الأدني (المنصوص عليه في القانون)
اشتراك معاش تكميلي يوجد لا يوجد
اشتراك علاج أسري يوجد لا يوجد
قرض إسكان بدون فوائد يوجد لا يوجد
قرض زواج العاملين أو أبنائهم يوجد لا يوجد

ويكمل عامل آخر: “هما عمالين يدونا وعود وما بينفذوهاش، في اعتصام زمايلنا بتوع طنطا اللي فات أتشال رئيس مجلس الإدارة القديم وجه الرئيس الجديد، وبدأ يلغي حاجات مالهاش لازمة، بس استبشرنا خير، وقف المجلة اللي كانت بتتكلف 800 ألف جنيه، وقلنا نستني عليه هيجيب لنا حقنا، بس لقيناه بيخصم علينا في الآخر، فيه حاجة كنا بناخدها اسمها بدل موقع 100 جنيه في الشهر، لقيناه لغاها للي قاعد بيسلم الفواتير، وزود المحصل 50 جنيه، يعني دخل عب الشركة من حقوقنا 50 جنيه من كل واحد اتحرم من بدل الموقع، هما بيتحججوا بأنه ما بينزلشي مواقع، بس أنا عاوز أسألهم الراجل ده بيطلع في عهدته آخر السنة أكثر من 1500 جنيه عجز يا إما فاتورة اتبدلت أو فاتورة راحت أو سلم حاجة غلط، يجيب العجز ده منين في آخر السنة، وبعدين هما ياخدوا منا علشان يدوا لوزارة البترول، إحنا شركة بتكسب، فائض الربح من الشركة  واللي راح لوزارة البترول في نهاية عام 2009 كان 24 مليون جنيه، طيب هما يوفروا للوزارة علي حسابنا، طيب ما يدونا حقوقنا الأول !!”

ويكمل زميله: “دي كانت الشرارة اللي قومت الدنيا، تاني يوم الخصم كان فيه اعتصام، وحاولوا يحلوها ويلغوا الخصم، بس كان خلاص، دلوقتي إحنا مطالبنا واضحة.. المساواة بزمايلنا اللي اتعينوا قبل 2007 وإلغاء اللائحة الجديدة”

4 Responses

  1. دخل امس موظفو شركة بتروتريدفرع بنها فى اعتصام امام مقر الشركة للظلم الواقع عليهم من داخل الفرع وايضا من خارجة مطالبين بالتدخل السريع من الوزير سامح فهمى لحل مشاكلهم وتسويتهم باللائحة القديمة وعودة العاملين المفصولين وكان الاعتصام كالاتى عندما شعر مدير المنطقة اللذى يعامل افراد الشركة وكانهم عمال عندة وشركتة الخاصة حضرفى الساعة السابعة صباحا بعربية مختلفة غير عربيتة وكان يلبس نظارة سودا متخفيا خا ئفا من عمال الشركة لانة عارف انة ظالمهم فمثلا كان يتحدث مع العمال بشكل غير لائق وممنوع اى عامل ان يتحدث معة فى عزبتة اقصد مكتبة الخاص الا وان يتحدث اولامع خولى العزبة ؟اقصد مع السكرتارية ووقف الموظفون والموظفات يهتفون وكانو محاطون بعربية امن مركزى وايضا كان يوجد مخبرين وامناء شرطة فى كل مكان ولواءات امن دولة وعلم على الفور نهادالمناديلى وايضا لواء محمد درويش كبار رجال الشركة واتصلو على الفور بالمعتصمين وقالو لهم هنعمل لكم اللى عايزينة وتعالو نتحدث مع بعض ذهبواليهم فى مقر الشركة بالقاهرة وقابلهم الاستاذ نهاد المنديلى ثم قابلهم اللواء محمد درويش وقال لهم ماتحسبونيش دلوقتى انا لسة ماسك من ثلاث شهور وهتشوفو الخير معاية لكن انسو موضوع الائحة القديمة واحنا هنمشى زميلكم القدام لائحة 2001 ودة هيوفر 66 مليون جنية هيعودو عليكم ولكن كان الرد منهم انهم زميلنا ولكنه نحن بنطلب حققوقنا الجديد سيتم معرفتة

  2. انا متشكر للاستاذة فاطمة رمضان جدا لانها واحدة محترمة جدا وكتبت كل اللى اتقال بصدق وامانة
    ومرة ثانية اشكر سيادتيك جدا انا و كل زملائى

  3. […] المصدر: https://tadamonmasr.wordpress.com/2010/11/08/10440/#more-10440 […]

  4. انا كونت بدرس في المدرسه الترسنا البحريا وابحث عن فرصة عمل في الشركاوبعمل(تركيبات كهربائيه) شكررررررررررررررررررررررررررراااااااااااااااا ارجو المساعدا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: