أهالي العمال “هوه إحنا أسرارنا العسكرية بقت أنبوبة بوتجاز؟؟!!”، “ليه ما بيحاكموش اللواء اللي بيموت العمال”

أهالي العمال المحالين للمحاكمة العسكرية

بين الغضب والذهول

يقولون

“هوه إحنا أسرارنا العسكرية بقت أنبوبة بوتجاز؟؟!!”، “ليه ما بيحاكموش اللواء اللي بيموت العمال”


كتبت: فاطمة رمضان

لقد كان حديث الأهالي قليلاً، فكل ما يرجونه من الدنيا في هذه اللحظة هو أن يخرج أبنائهم من هذه الورطة، فالثمانية عمال اللذين يحاكمون محاكمة عسكرية خمسة منهم عمالة مؤقتة ويومية، أي أنهم ليس لهم أي حقوق علي الشركة سوي أنهم يعملون نهار كامل لكي يأخذون في نهاية اليوم أجر 12 جنيه فقط، تري ماذا يفعلون بحوالي 300 جنيه شهرياً علي فرض أنهم يعملون كل يوم وبدون أي أجازات؟؟، كيف يدبرون بهم معيشتهم ومعيشة عائلاتهم؟؟، بل ماذا  سيحدث لهم ولأهاليهم في حالة عدم وجود الـ 12 جنيه؟؟، وقبلها عدم وجود الزوج والأبن، لأنه معتقل بالسجن الحربي، لا لشئ سوي لأنه رأي ذراع زميله في الورشة، أو قطعة من لحمة، تحت قدمه وأقدام زملائه الغاضبين أيضاً بعد مقتل زميلهم أحمد عبد الهادي بشركة حلوان للصناعات الهندسية حالياً، مصنع 99 الحربي سابقاً.

فيقول أحد الأهالي: “العمال أعصابهم ثارت لما لقيوا لحم زميلهم بعد ما رجعوا الورشة بعد الإجازة الـ 3 أيام، أبن عمي دخل الورشة لقي دراع زميله، واللي لقي جزء من مصارينه،  دا الراجل اللي مات ما غسلهوش، ولا كفنوه، دولا لموا اللي باقي من لحمه في حتة خلقه”

ويرد آخر:” هل إحنا أسرارنا العسكرية بقت أنبوبة بوتجاز، دا إحنا نبقي نستاهل فعلاً أنهم ييجو يحتلونا”

وترد سيدة أخري من أهالي العمال فتقول:” هوه إحنا ولادنا الغلابة بقم أعدائهم علشان يجيبوا زمايلهم يشهدوا عليهم زور، دا واحد من بتوع الأمن اللي في الشركة اللي جايبينهم يشهدوا علي ولادنا بنقول له حرام عليك تشهد زور، قال لو ما شهدتش هيعتقلوني ويفصلوني من الشغل”

وتحدث أحد الأهالي فقال:” ليه ما حولوش اللواء اللي ما خادشي احتياطات الأمن الصناعي للمحاكمة، مش هوه اللي اتسبب في موت أحمد عبد الهادي، وعور 6 عمال،  وأيه السر العسكري اللي قاله طارق، هوه قال سلاح نووي، ولا قال بنعمل دبابات، دي أول مرة من نصف قرن تحصل مظاهرة في المصانع الحربية طيب ما يسألوا نفسهم ليه، أيه اللي يخلي عمال باليومية بياخدوا 12 جنيه في اليوم، متجوزين وفاتحين بيوت يعملوا كده؟؟”

وتقول إحدي الأمهات:” هما بيحاكموا ولادنا ليه، ما يحاكموا اللي موت زميلهم، دا حتي العمال لما جابولهم الأنابيب دي يجربوها قالوا لهم دي مش أختصاصنا، وإحنا ما بنفهمشي فيها، حتي أحمد عبد الهادي نفسه اللي مات ما كانشي عاوز يدخل يجرب الأنبوبة وهما أجبروه علي كده، واللواء قال لهم يموت واحد نجيب عشرة، هوه للدرجة دي حياة ولادنا ما لهاش ثمن عندهم؟؟!!”

ويقول هشام فؤاد من مركز الدراسات الاشتراكية وأحد أعضاء لجنة التضامن مع العمال ضد المحاكمات العسكرية:” بأن اللجنة سوف تستمر في عملها حتي يخرج العمال من السجن”

وتحدث كمال أبو عيطه رئيس النقابة العامة للضرائب العقارية والمشاركة في لجنة التضامن مع العمال ضد المحاكمات العسكرية أن:” إحالة العمال للمحاكمة العسكرية سابقة خطيرة جداً، ولابد من من الوقوف أمامها، لأن الدولة تستخدم كل طرق التخويف والإرهاب، والإعلام الرسمي جزء منها، هما مش قادرين ينفذوا مطالب العمال فبيقدموهم للمحاكم العسكرية، وعلينا حتي بعد أن يخرج العمال المعتقلين، أن نستمر في الوقوف ضد محاكمات العمال محاكمات عسكرية “

عمال شركة حلوان للصناعات الهندسية اللذين يحاكمون محاكمة عسكرية، منهم أثنان أخوات هما أيمن طاهر ومحمد طاهر، مقسمين إلي مجموعتين مجموعة مكونة من 7 عمال وموجه لها 3 تهم وهي: التعدي علي رئيس مجلس الإدارة- أتلاف أجزاء من مصنع 99 الحربي، نتج عنها خسائر حوالي 126 ألف و 440 جنيه، والتهمة الثالثة تعطيل المصنع والأمتناع العمدي عن العمل مما تسبب في خسائر 694 ألف جنيه.

أما المتهم الثامن طارق فبالإضافة لهذه التهم أضيفت إليه تهمة آخري وهي إذاعة سر من أسرار الدفاع.

ونحن نتسائل مع الأهالي كيف يقدم العمال لمحاكمة عسكرية بتهمة الاعتداء علي رئيس مجلس الإدارة، ولا يقدم رئيس مجلس الإدارة ومن يرأسه للمحاكمة العسكرية أيضاً بتهمة القتل العمد؟؟

3 Responses

  1. […] تغطية مجموعة تضامن هنا […]

  2. دي يا جماعه حمله توقيعات لرفض المحاكمة العسكرية للعمال

    باللغه العربية

    http://www.gopetition.com/petition/38652.html


    وباللغه الانجليزية

    http://www.gopetition.com/petition/38707.html

    اعتقد ممكن نبتدي ننشر الحمله دي بالاضافه لحملات التوقيع اليدوية … كبدايه

  3. رجاء متابعتي بالاخبار على الايميل المذكور

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: