نجاح جزئي لعمال صيانكو بالغربية

كتبت: سهام شوادة

أجبر ما يقرب من 200 عامل  بشركة “صيانكو ” التابعة لوزارة البترول الإدارة على تنفيذ جزء من مطالبهم بعد اعتصام دام ليوم واحد، وبعد قيام العمال بتحرير محضر ضد محمد سليمان قروش، رئيس مجلس الادارة يتهمنوه فيه بالتعنت فى تنفيذ مطالبهم .

واتفق ممثلو العمال اثناء اجتماع جمع بينهم وبين رئيس مجلس الإدارة والنائب لأحمد شوبير عضو مجلس الشعب عن دائرة طنطا اليوم على تنفيذ بعض المطالب منها زيادة بدل الانتقال من 9 جنيه الى 12 جنيها والتأمين الصحى الأسرى والمعاش التكميلى وذلك بمقر الادارة بالقاهرة .

وكان عمال الشركة قد نظموا اعتصاما الاسبوع الماضى أمام بوابة الشركة للمطالبة  بضم معاش تكميلى طبقا لقرار وزير البترول والذي يطبق على معظم شركات القطاع مع الاطلاع على العقد المبهم الذي تم توقيعه عند تثبيت العاملين بالشركة لمعرفة البنود التى يحتويها وتعديل الراتب الأساسى وعدم فصل العمال وتشريدهم، وطالبوا بضم العلاوات الاجتماعية من عام 2000 حتى 2006 لأساسى المرتب. كما طالبوا بتشكيل لجنة نقابية للعاملين بالشركة للمطالبة بحقوقهم.

وأعلن العمال أنهم سوف يمهلمون الإدارة شهرا لحين تنفيذ كامل مطالبهم وخاصة مطلب ضم مدة السنوات السبع السابقة لعملهم لتوقيع عقد التثبيت الذي تم فى عام 2004 والتي سبقت مدة التثبيت وضمها إلى مدة الخدمة.

4 Responses

  1. يا جماعة الادارة بتسكتنا بالمطالب دى ايوة هى كويسة مقلناش حاجة بس دى مش مطالبنا احنا عيزين المرتب الى بياكلنا وعيشين منة كدا هما دحكو علينا بالحاجات دى لازم نقف تانى ونطالب بزيادة المرتب الحاجة الى بتعيشنا التامين الصحى بيتضخم من المرتب المعاش التكميلى بالخصم كلة خصم فى خصم فين الزيادة مع ان السيد الوزير قال بدل الانتقال (8) جنيهات والاارة منزلاة (4) جنيهات فقط الشركة بتتسرق يا جماعة نداء الى كل موظف عندة اولاد المرتب اكيد مش بيكفى الى كل شاب عايز يتجوز اصحوا بقا وطالبوا بحقوقكم احنا من المنوفية وهنق يلا بينا كلنا علشان ناخد مرتباتنا الحقيقية

  2. كلام فشنك دى حرامى سارق عشرة مليون وقال ايه جاب شيكولاته

  3. حرام والله اللى بيتعمل فينا دة من الاخر احنا نستاهل علشان ساكتين وعرفين انهم حرميه بضحكو علينا ووعدونا كتير ومفيش فايدة يذودونا من ناحية ويسرقونا من ناحية تانيه اخرها التامين الجديد الكرنيه مكتوب عالية (لاتقدم الخدمة الا بخطاب تحويل ما عدا حالات الطوارىء)ياعنى من الاخر مفيش حد يقدر يروح اى مستشفى من غير خطاب تحويل من الادارة الفاشلة بمعنى الكلمة والتامين الاسرى هيتعمل بس على حسابنا الكامل . ويوم ميكون فى ذيادة هتنزل حضرة رئيس مجلس الادارة يخلى ادارة المالية تسهر الياللى كى يرتبو ازاى يخصمو بعد كدة من المرتب اضعاف الزيادة ووعودة كتير كتيييييييييير وبيرجع فى كلامه زاى العيل (وحسبيى الله ونعم الوكيل)

  4. انا موافق اني اعمل اي حاجة بس ما اخدش علي ……
    لازم نركز علي الاتي :
    1 – لجنة نقابية للعاملين بالشركة للمطالبة بالحقوق
    2 – تعديل الراتب الأساسى
    3 – التأمين الصحى الأسرى والمعاش التكميلى
    4 – بضم العلاوات الاجتماعية لأساسى المرتب
    5 – الاطلاع على العقد الذي يتم توقيعه عند تثبيت
    العاملين بالشركة لمعرفة البنود التى يحتويها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: