معلمو الشرقية المؤقتون يتظاهرون أمام التربية والتعليم

كتب : هيثم جبر

نظم المعلمون المؤقتون بمحافظة الشرقية امس وقفة احتجاجية أمام وزارة التربية والتعليم احتجاجا على رفض الوزارة تنفيذ وعودها لهم بإبرام عقود مميزة معهم على غرار زملائهم الآخرين. وقالت كريمة السيد التي تعمل معلمة بنظام العقد المؤقت العادي منذ 10 سنوات: “بنقبض 105 جنيه في الشهر، بس بناخدهم كل 3 شهور، لكن فيه ناس بتشتغل بنظام الحصة، ودول بياخدو من 50 إلى 60 جنيه في الشهر، وبيقبضوا برضه كل 3 شهور.. بالذمة ده مرتب ولا دي فلوس.. احنا كل اللي طالبينه عقود مميزة زي اللي عملتها الوزارة لكتير من زملايلنا، وميزة العقد ده إن المرتب فيه 350 جنيه وفيه تأمينات وحقوق كتير”. من جانبه قال محمد منصور أحد المعلمين المؤقتين في إحدى مدارس الشرقية الثانوية التجارية: “أنا شغال بقال 8 سنين، في أول أربع سنين كنا شغالين بنظام العقد العادي، وبعد كده نزلونا لنظام الحصة، ولما عرفنا إن فيه زملا لينا مضوا عقود مميزة، سألنا في المحافظة عن موقفنا قالوا إننا حنبقى في الدفعة التانية، وبقالنا 3 سنين على حال ده كل شهر يقولنا لسه”.

 ويقول المعلمون أن عددهم على مستوى المحافظة يصل إلى 4 ألاف معلم، يعملون منذ سنوات طويلة بهذه الشروط المجحفة، وأضافوا أن ما يطالبون به ليس بالكثير، “نحن نطالب بالأمان في عملنا، وبأجر يوفر لنا الحد الأدنى من الحياة”. لكن المعلمون المحتجون أمام تحت لهيب الشمس لم يجدوا من يستمع إليهم اليوم في وزارة التربية والتعليم الطويلة العريضة سوى مدير الأمن بالوزارة، لأن السيد الوزير ومساعديه بيصيفوا في مارينا ومش فاضيين، وكأي موظف همه الأول إنه يريح دماغه قال الضابط الكبير للمعلمين: “اكتبوا طلب وخلال أسبوع حيكون فيه رد”، فعلق المعلمون احتجاجهم معلنين العودة بعد أسبوع بأعداد أكبر في حالة عدم وجود رد إيجابي على مطالبهم

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: