عمال شركة السكر بالسويس “أشتكينا للقوي العاملة فجم شربوا شاي بالياسمين مع الإدارة وإحنا أتقطع عيشنا” فصل 18 عامل بعد مطالبتهم بزيادة الأجور

دراسة المرصد النقابي والعمالي المصري

دراسة (2) عن شهر يونيه 2010

فصل 18 عامل من عمال شركة السكر بالسويس

بعد مطالبتهم بزيادة الأجور

والعمال يقولون: “أشتكينا للقوي العاملة فجم شربوا شاي بالياسمين مع الإدارة وإحنا أتقطع عيشنا”

كتبت: فاطمة رمضان

الشركة المتحدة للسكر، بالمنطقة الحرة في ميناء السخنة بالسويس، والتي يعمل بها أكثر من 1500 عامل، علي ثلاثة ورادي عمل، والتي  تعمل علي تصنيع وتعبئة السكر( حيث يأتي السكر خام فتقوم الشركة بتكريره وتعبئته)، بدأت الشركة نشاطها في عام 2008.

يعتصم حوالي 15 عامل من عمال الشركة أمام مقر الشركة،  وذلك بعد أن تعرض أكثر من 18 عامل من عمال الشركة للفصل التعسفي وإنهاء تعاقدهم، يوم 2-6-2010، وقد جاء الفصل بعد ما تقدم عدد من العمال بشكوي لمكتب العمل يطالبوزن فيها بزيادة مرتباتهم حيث أن متوسط مرتباتهم هي حوالي 700 جنيه، ولا يتقاضون أي حوافز أو بدلات، ورواتبهم ثابتة منذ بداية عملهم بالشركة منذ عام 2008، وحتي الآن.

وتحدث أحد العمال فقال:” جينا ندخل للشغل يوم 2-6-2010، منعونا من دخول الشركة، قالوا لنا الشركة أستغنت عن خدماتكم، قالوا لنا تعالوا أمضوا علي استقالا ت، رفضنا، وطلعنا علي قسم عتاقة عملنا محضر إثبات حالة، ورحنا  أشتكينا في مكتب العمل”

وأكمل آخر:” يعني كدا يفصلونا بدون أي إنذار ولا أي حاجة، طيب فين القانون، وبعدين إزاي نروح نشتكي في مكتب العمل علشان عاوزين حقنا في الزيادة علشان نعرف نعيش، فيفصلونا، وبعدين إحنا لقيناهم عارفين أسماء كل اللي ماضيين علي الشكوي اللي إحنا وديناها لمكتب العمل، يبقوا عرفوا الأسماء دي منين؟؟”

وقال عامل آخر:” إحنا أشتغلنا 6 شهور في الشركة بدون أي عقود أو تأمينات، ولما طالبنا بعقود، عملوا لنا عقود علي شركة تانية أسمها الشركة الهندسية الأولي فرست، مقرها في المهندسين، الناس بتوع الشركة دي ما شفناهمشي إلا مرتين وبس، مرة لما جابولنا العقود في 11-1-2009، ومرة لما كانوا عاوزينا نمضي علي أستقالات يوم 2-6-2010، هي شركة من الباطن، إحنا كل تعاملنا مع شركة السكر بنمضي الكارته في الحضور والإنصراف بأسم شركة السكر، ومعانا الكارنيهات مكتوب فيها إننا بنشتغل في شركة السكر”

وأكمل عامل آخر:” إحنا قاعدين هنا ومش ماشيين، دا حتي واحد زميلنا فرحه النهارده، قال لنا هروح أكتب الكتاب وأجي، دا فيه 3 من زملائنا كانوا في إجازة زواج، جم من الإجازة علي الفصل، إحنا ناس فاتحين بيوت، وورانا مسئوليات، هنروح نقول أيه لزوجاتنا لما يحتاجوا فلوس، وبعدين هوه إحنا عملنا أيه علشان يقطعوا عيشنا بالشكل ده”

وعن شكاوي مكتب العمل تحدث أحد العمال فقال:” لما اشتكينا في مكتب العمل علشان يزودولنا الأجور، من حوالي شهر، جم بتوع مكتب العمل ودخلوا الإدارة  وشربوا شاي بالياسمين في الإدارة وأتكلوا علي الله، وسابونا إحنا نتفصل ويتقطع رزقنا، طيب إحنا نروح لمين، لما اللي المفروض يقفوا جنبنا باعونا؟؟”

هذا وفيما يلي أسماء بعض العمال المفصولين:

1-   محمد عبده محمد

2-   محمد عبد الله قمصان

3-   الأمير سيد محمد

4-   أشرف محمد عبد التواب

5-   أيمن طه عبد العال

6-   حمدي صبري

7-   غريب السيد غريب

8-   محمد نوح ممدوح

9-   سامح الأمير

10-                     ياسر محمد

11-                     أحمد فكري السيد

12-                     أسامة جمال عبد اللطيف

13-                     عمرو القبيسي

14-                     أحمد أسماعيل عطيه

وقال سعود عمر من المنتدي المدني الديمقراطي بالسويس  أحد الجهات المتضامنة مع العمال أن:” نحن نرفض الهجمة التي تقوم بها شركات غرب خليج السويس علي عمال السويس، ونرفض الفصل الغير مبرر، فلا يجوز التعامل مع الشكاوة  للسلطات العامة علي أنها جريمة، خاصة وأنه طبقاً للقانون والدستور فإن دور القوي العاملة هو ضبط العلاقة بين العمال وأصحاب الأعمال، فلا يجوز التعامل مع شكوي العمال لها علي أنها جريمة، كما ندين أستهداف القيادات العمالية في الشركات في غرب خليج السويس، ونعلن نحن والعديد من القوي السياسية بالسويس وعلي رأسها حزب الغد جبهة أيمن نور تضامننا الكامل بشتي الطرق مع العمال المعتصمين، ونطالب بعودتهم لعملهم”

المرصد النقابي والعمالي المصري

الأحد 6-6-2010

Advertisements

One Response

  1. الشكوه ارفع اللى الله وقولو يارب اللى يقول يارب عمره مبكون تعبان

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: