عمال أمونسيتو يهتفون منذ 14 يوم: وأترمينا علي الرصيف…..من سياستك يا نظيف فين حكومتك يا أبو جمال…..ضيعت حق العمال

حق العامل في الدستور………المسئول فتحي سرور

بهدلونا علي الرصيف

ما هم فضيو خلاص للكورة……..حلوا مشاكل المصريين……..حلوا مشاكل الجماهير

فضيو خلاص لبتوع الكورة

بيصرفوا الملايين علي بتوع الكورة

جدو يا جدو……….جدو يا جدهم

وأنت يا رب هدهم

الحكومة الظالمين، وإحنا هنا معتصمين

إحنا هنا مش ماشيين

إحنا وراكو ليوم الدين، يا حكومة ظالمين

أمال فين النائب العام

هو فيه نائب عام……هو فيه نائب عام

أهو كرسي والسلام، وعلي القضية نام

ما يمكن فيه نائب عام

نام عليها لصالح مين، ووقفها لصالح مين، ودمرها لصالح مين

لواحد من المرتشين

فيه ورانا أيد خفيه، علي سرقتنا مدربة، علي دمارنا مدربة

دمروها لصالح مين

أنت فين يا سرور…انت فين من العاملين

فين نواب الشعب فين….فين نواب الشعب فين

علي الكراسي مريحين…هما فينا مش سائلين

هما بينا مش حاسين

شاطرين بس في الانتخابات…..يشحتو منا الأصوات

يا نواب الشعب أمانة…اقفوا مرة واحدة معانا

هاتو حق الغلبانين…………هاتو حق الشقيانين…..هاتو حق العرقانين

فين هما المستثمرين……..هربوا وسرقوا الملايين

خدوا فلوس العاملين……….ودمروا العاملين

ياللي رايح ياللي جاي………شوفوا حالنا عامل إزاي

ياللي رايح ياللي جاي……..شوفوا الوكسة جاية إزاي

أمونسيتو العالمية……..الأولي علي الجمهورية

خربوها لصالح مين………دمروها لصالح مين

هوه إحنا مش مصريين

عيشونا علي الإعانة……….الإعانة 200 جنيه

وإحنا هنعمل بيهم أيه

أبني نفسه في الفلوس……علشان حق الدروس…..وأنا أجيب له يا ناس منين

بالذمة دي مش إهانة ………إهانة للمصريين……..إهانة للعاملين

إحنا رافضين الإعانة……….إحنا رافضين الإهانة

وأترمينا علي الرصيف………..من سياستك يا نظيف

فين حكومتك يا أبو جمال……….ضيعت حق العمال

يا مبارك قول لسرور…….المصانع لازم تدور

يا مبارك قول الحق…….أنا مصري ولا لأه

يا نظيف قول الحق…….أنا مصري ولا لأه

فين حق الشقيانين……..فين حق التعبانين

شاطرين بس موافقين………….علي دمار العاملين

هما فينا مش سائلين

يا وزير الأستثمار…يا رب تخش النار

أنت و حسين مجاور….وبقية الظالمين

أيه لزمتها النقابات……….أيه فيدتها النقابات

ما خلاص حق العامل مات

ما فيش نقابات……..خلاص حق العامل مات

رد يا حسين مجاور………أيه فيدتها النقابات

لما نمنا علي الرصيف

قال أيه حسين مجاور…..قال رئيس النقابات

أيه لزمتها النقابات

حق العامل في الحرية…….ضد شوية حرميه

الحرمية المرتشين…..كلوا فلوس العرقانين

الحرمية المرتشين…….كلوا فلوس التعبانين

فضايح الظالمين

حق العامل ضايع ليه……….والحكومة ساكته ليه

بهدلونا علي الرصيف وشحتونا حق الرغيف

فين الرأي العام فين……….يا بلدنا صحي النوم

دا إحنا بقينا في سابع يوم………هما فين مش سائلين

ياللي رايح ياللي جاي……….عايز حقي وأجيبه إزاي

ياللي رايح ياللي جاي شوفتوا الخيبة جايه إزاي

شوفتوا الوكسه جايه إزاي

اعتصامنا دا مشروع………ضد الظلم وضد الجوع

وإحنا هنا مش ماشيين……..إحنا هنا ليوم الدين

إحنا وراكو يا ظالمين………..يا حكومة ظالمين

بيشحتونا الرغيف ……من أخوتنا الطيبين

من جرايرك يا نظيف

وأدي نقطة العريس…….خدناها علي الرصيف

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: