بيان اليوم الخامس لعمال أمونسيتو

  يا مبارك قول لسرور…………….المصانع لازم تدور

صلينا الجمعة أمبارح قدام مجلس الشوري علي البوابة الرئيسية.

· تضامن معنا بمشاركتنا صلاة الجمعة عدد كبير سواء من العمال بالشركات التانية زي زمايلنا بتوع عمال شركة طنطا للكتان، أو زمايلنا عمال شركة مصر أيران بالسويس، كمان صلي معانا عدد من الشخصيات العامة وعدد من المتضامنين وعلي رأسهم الأستاذ محمد عبد القدوس بلجنة الحريات بنقابة الصحفيين، والأستاذ يسري بيومي عضو مجلس الشعب، بنشكرهم كلهم علي تضامنهم معانا، وعلي تقديرهم لحقوقنا التايهة بين المستثمر الهارب، وبنك مصر، والحكومة.

· أحنا مستمرين في اعتصامنا لحين تحقيق مطالبنا بتشغيل الشركة وصرف جميع مستحقاتنا، والنهارده انضم لينا زميلاتنا، وأبنائنا، وكل يوم هينضم لينا ناس جديدة.

· صمت المسئولين عن حقوقنا، وتركهم لـ 1000 عامل علي الرصيف لم يزدنا ألا أصرارا علي استرداد حقوقنا، وأستمرارنا في الاعتصام لحين الحصول عليها.

· يا تري مشكلتنا هتتحل يوم الأثنين، ولا مشكلة عمال النوبارية ولا مشكلة عمال طنطا للكتان هي اللي هتتحل يوم الأثنين، يا تري كتر الاعتصامات معناه أنه ما فيش وزراء ولا مسئولين بيقوموا بشغلهم في حل مشاكل الناس (العمال- والمعاقين وغيرهم)، ولا معناه أيه؟. · علي العموم إحنا جايين المرة دي ومش هنروح إلا بحقوقنا حتي لو متنا في مكانا.

 عاش كفاح عمال أمونسيتو…………..عاش كفاح العمال

عمال شركة أمونسيتو السبت 6-3-2010

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: