بيان عمال شركة طنطا للكتان

بالروح بالدم…..رزق عيالنا أهم

إحنا عمال شركة طنطا للكتان، جينا النهارده نعتصم قدام مجلس الوزراء علشان إحنا عاوزين الحكومة تجيب لنا حقنا من المستثمر السعودي اللي واكل حقوقنا، ومش هامه لا القانون المصري، ولا بيسمع لحد، والمفروض أن  الحكومة دي هي المسئولة لأنها هي اللي باعت له الشركة اللي قضينا فيها عمرنا كله، ودلوقتي هوه اخدها وبيحاول أنه يخربها، ويدمر حياتنا وحياة عيالنا، إحنا هنخرج دلوقتي نروح فين ومين هيرضي يشغلنا، إحنا عاوزين نفضل نشتغل في الشركة اللي قضينا عمرنا فيها، وكمان عوزين أوضعنا اللي ساءت تتحسن، ففيه لنا عدد من المطالب وهي:

1- إعادة الشركة للقطاع العام وضخ أموال بها لتشغيلها، والتعاقد مع الفلاحين لزراعة الكتان حتي تستطيع الشركة أن تشتغل.

2- صرف العلاوات الدورية التي قررها قانون العمل كلها بآثر رجعي.

3- صرف الحافز للعاملين علي أساس الأجور الأساسية الحالية.

4- عودة كل العمال المفصولين سواء في عام 2007 أو 2008 أو 2009.

5- صرف الأرباح للعاملين منذ عام 2005 وحتي الآن.

6- سداد أموال التأمينات للعمال عن فترة الإضراب السابق

عمال شركة طنطا للكتان

Advertisements

One Response

  1. آه يــا حكومه آه يــا حكومــه
    آه والآه مــــره ومكتومــــــه
    قبــلك كنـــا مــن المحـــدوده
    بعدك صرنــا مـن المعدومـه
    آه يــــاحكومه آه يــــاحكومه
    آه يـاحكومه اسم الله عليكــى
    ألف سلامـــــه لننى عنيكــى
    انتى خلعتى وشيلتى ايديكى
    وللا دخلتى ف سابع نومــه
    آه يــــاحكومه آه يـــاحكومـه
    يــــاللى شعارك عــك وليس
    عال وألسطه وكــله كـــويس
    دانتى فقعتى مـــرارة الريس
    وبتحـــلفى بــــالله مظلومـــه
    آه يـــا حكومه آه يــا حكومه
    أمـا حكومــه صحيح شغالـه
    سايبه شارعنا ف أحسن حاله
    ألف مطب وطــــن زبــــــاله
    فوضى بـايد فنــان مرسومـه
    آه يــــا حكومه آه يـــاحكومه
    مين ع الشعب المليـان طيبـه
    دعـــا ربنا يرميـه ف مصيبه
    ويــــوقعه فى ايــديــن هليبــه
    تبقى نصيبه وليــه مقسومــــه
    آه يـــا حكومه آه يـــا حكومـه
    مـــن نــوابك شوفنــا نـــوايب
    مــــن أفعــالك قلنــا عجـــايب
    م المضروب ح تلمى ضرايب
    بــايخه النكته ومش مفهومــه
    آه يـــا حكومه آه يـــا حكومه
    روحتى وبعتى الغاز بخساره
    ولمين بعتى لأوسخ جـــــاره
    ليـــه وازاى وبـــأى أمـــاره
    تاخدى بتمنه بــذور مسمومه
    آه يـــا حكومه آه يـــا حكومه
    علـى مـايشرع سيدنا الشارع
    العيـان رميتيه فــــى الشارع
    والغلبـان فـــى الفقر يصارع
    وانتى تباتـــى الليل متخومــه
    آه يـــا حكومــه آه يــا حكومه
    وبيــــوت سيبتى الناس تبنيها
    بــاعت قوتـــها وسكنت فيــها
    وأمـــــا سألنــا ليــه تهــديــها
    قلتى الرخصه ماهش مختومه
    آه يـــا حكومه آه يـــا حكومه
    كــله بيكتب ومفيش قــــارى
    مـــانتى رشيده وجنسك آرى
    كلنا حمير وشربنــا مجــارى
    ومفيش مـــره تلبى عزومـــه
    آه يـــا حكومه آه يـــا حكومه
    وعشان وشك حلـــــو علينــا
    بنسيب أزمــــه التانيه تجينــا
    ايــــــه بتخبى الأيـــــام لينـــا
    كــــوكتيل فيرس أو جرثومه
    آه يـــا حكومه آه يـــا حكومه
    حظك كدا يـــا حكومـه معانا
    واحنــا تملى بنرمى بـــــلانا
    ايـــــه تعملى والمولى ادانــا
    عين بصاصه وايد مخرومه
    آه يا حكومــه آه يا حكومـــه
    طمع المصرى هــو دا عيبه
    يسمع اسمــك يمسك جـيـبــه
    بكــــره العيش بالقسط نجيبه
    ونشوف ناس م العيش محرومه
    آه يا حكومـــه آه يا حكومـــه
    سامى النويهى ـ شاعر غنائى مقيم
    بمدينة فيينا ـ النمسا
    رئيس قسم الأمن والحراسه بشركة طنطا للكتان والزيوت
    طيب الله ثراها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: