عواد باع أرضه يا ولاد………الموزي باع أرضه يا ولاد يا ولاد غنوله يا ولاد…..شوفوا عرضه وطوله يا ولاد يا ولاد غنوله علي عرضه وطوله

الزملاء الأعزاء

سمعت اليوم في اعتصام عمال شركة طنطا للكتان نغم هتافات العمال في شارع حسين حجازي أمام مجلس الوزراء، فذكرني بمتعتي بسماع هتافات موظفي الضرائب العقارية أثناء اعتصامهم الشهير في نفس المكان منذ أكثر سنتين، والذي كتبته وقتها، وذكرني إصرار عمال طنطا للكتان بعد أن أغلقت في وجوههم كل الأبواب، بإصرار وعزيمة موظفي الضرائب العقارية، وبتمني ليهم النجاح في تحقيق مطالبهم، بس النجاح مش بالتمني لوحده، علشان كده بدعوكم كلكم للتضامن معاهم بشتي الطرق في شارع حسين حجازي، بس الأول تعالوا أسمعوا معايا شعاراتهم اللي أنا كتبتها بنفس الترتيب اللي اتقالت به خلال حوالي ثلث ساعة فقط من ساعات الاعتصام، وهي:

يا عيشه قومي من النوم…….عمال طنطا ما شافوا النوم

يا حكومة ساكته ليه……السعودي دفع لك أيه

يا حكومة هز الوسط……….أكلتونا العيش بالقسط

آه يا حكومة هز الكاب……………أكلتونا العيش الحاف

عاوزين حكومة حرة…………..العيشة بقت مرة

عاوزين حكومة جديدة…………بقينا علي الحديدة

يا نظيف خد بأدينا……………..ما تفرجش الناس علينا

يا جمال قول لأبوك…………عمال طنطا

المستقبل ضلمة ليه………….يا علاء هتعمل أيه

يا وزير الاستثمار…………إحنا بينا وبينك طار

يا عيشه ما تكدبيش………..علي الكرسي ما تخافيش

يسقط يسقط الاستثمار

عبد الناصر ياما قال………….أبنو مصانع للعمال

يا مبارك مصر بتاعتي……….أنت رئيسنا ولا الكعكي

يسقط يسقط رأس المال……….هما عصابة رأس المال

مش هنفرط مش هنبيع………حقنا فيها مش هيضيعهي بلدنا وإحنا ولادها

هما شوية نصابين…………….هما شوية كدابين

لا بنخاف ولا بنطاطي……………إحنا كرهنا الصوت الواطي

الإضراب مشروع مشروع………….ضد الفقر وضد الجوع

أبني في صور السجن وعلي……….بكرة الثورة تقوم ما تخلي

يسقط يسقط الاستثمار

يا وزير الاستثمار …………….إحنا بينا وبينك طار

عادل الموزي بعها وقال……………روحوا في داهية يا عمال

عادل الموزي بعها وقال……………روحوا في داهية يا عمال

قاعدين قاعدين………….ماحناش مروحين

عواد باع أرضه يا ولاد………الموزي باع أرضه يا ولاد

يا ولاد غنوله يا ولاد…..شوفوا عرضه وطوله يا ولاد

يا ولاد غنوله علي عرضه وطوله

عاوزين جدوا….. علشان يهدوا

حسني مبارك حل له مشكلته ونقله نادي الزمالك، نكتب علس صدرونا كلنا

يا حضري……….يا حضري………يا حضري

يا جدو…..زززيا شعب وحكومة الكوره

يسقط يسقط يا  شوبير

يا شوبير يا وش الأمله……….مين قال لك تعمل دي العمله

يا شوبير ساكت ليه………السعودي أدا لك أيه

يسقط يسقط يا شوبير

يسقط يسقط الاستثمار………باعوا شركتلنا بلترين جاز للمستثمر في الحجاز

أبني في سور السجن وعلي…..بكرة الثورة تقوم ما تخلي

طلعت حرب بناها وقال………شركات مصر للعمال

أصحي يا عامل مصر يا مجدع……..وأفهم دورك في الوردية

مهما هتتعب مهما هتشقي تعبك رايح للحرمية

شركتنا يا وسية يا تكية…للمستثمر والحرمية

حسني مبارك ياما قال………لا مساس بالعمال

آه …آه………آه شركتنا ياوسيه…يا تكيه….للصيحي والحرمية

آه …آه………آه يا ولادنا يا ضحية للمستثمرين والحرمية

بالروح والدم………رزق ولادنا أهم

الله  الله

فاطمة رمضان

One Response

  1. […] This post was mentioned on Twitter by Ola Shahba , Tadamon تضامن. Tadamon تضامن said: عواد باع أرضه يا ولاد………الموزي باع أرضه يا ولاد يا ولاد غنوله يا ولاد…..شوفوا عرضه وطوله يا ولاد يا ولاد غنوله علي… http://bit.ly/cTWTNV […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: