دراسة حالة المرصد العمالي:قطع المياه والكهرباء عن عمال غزل شبين المعتصمين ومخاوف من اقتحام أمن الدولة

قطع المياه والكهرباء عن

عمال اليومية بغزل شبين المعتصمين

وتهديد الأمن باقتحام المصنع

بدأ 200عامل من عمال اليومية بشركة غزل شبين الكوم سابقاً، أندروما حالياً والبالغ عددهم 500 عامل بمصنعي 5 الإضراب عن العمل والإعتصام داخل الشركة يوم الأربعاء 25/3/2009، وتضامن عمال مصنع 7 معهم وأضربوا واعتصموا في اليوم التالي، وحدث ذلك بعد أن ذهبوا لقبض المرتب الشهري فوجدوه ناقص مثلما حدث الشهر الماضي، بحيث أن الذي يبلغ راتبه 350 جنيه، قبض 250 فقط، كما اقتطعت الإدارة أجر الساعة الإضافي حيث يعمل العمال ثماني ساعات بدون أي وقت للراحة، وطالب العمال بـ:

1-      إعادة ما تم خصمه بدون وجه حق من أجورهم الشهر الماضي والشهر الحالي.

2-      صرف المنح والمكافآت التي يتقاضاها عمال المصانع الأخري بالشركة في الأعياد والمناسبات.

3-      صرف أجر الساعة الإضافي التي يعملونها يومياً.

4-      الحق في العيادة والعلاج مثلهم مثل باقي العمال في الشركة.

5-      زيادة المرتبات، حيث يتقاضي من يعمل منذ ثلاثة شهور بأجر 600 جنيه، بينما يعملون هم بأجر لا يتعدي 350 جنيه.

وقد قامت إدارة الشركة بإخراج البنات العاملين باليومية أيضاً من الشركة، كما قامت بقطع المياة والكهرباء عن العمال في المصنعين لليوم التالي علي التوالي، حيث يبيت العمال لليوم التالي في الظلام التام، كما قامت الإدارة بمنع الطعام والشراب عن العمال، ويمنع أي عامل منهم يخرج ليشتري طعام من الدخول للشركة مرة أخري، كما نما لعلم العمال بأن الإدارة أعطت الأوامر للأمن علي بوابة المصنع بأن من يأتي في وردية الساعة الحادية عشرة واالربع مساءً من عمال المصنعين، يمضي علي البوابة ولا يدخل الشركة.

وتحدث أحد العمال عن ماحدث فقال:” أمبارح جينا نقبض لقينا أجدع واحد فينا قابض 250 جنيه، ودا اللي ما غابشي ولايوم، وإحنا لما خصموا لنا الشهر اللي فات ووقفنا المكن (سبق أن أضرب عمال اليومية يوم الأربعاء (25/2/2009)) جم بتوع النقابة وبتوع الإدارة وقالوا لنا إنتم عاوزين أيه فقلنا لهم علي مطالبنا، فقالوا لنا الشهر اللي جاي هتقبضوا الفلوس اللي اتخصمت منكم، وهتروحوا العيادة، الشهر ده لما خصموا لنا تانية وما نفذوش حاجة من اللي وعدوا بيها وقفنا المكن، إحنا قبل كده مشينا الطرق الشرعية اللي بيقولوا عليها،  رحنا مكتب العمل والموظف هناك بعد ما كان  متحمس لنا، لما دخل عند الإدارة خرج قال لنا أنا عندي 100 مصنع هفتش عليهم قبلكم لما ييجي دوركم في التفتيش هبقي أفتش، طيب إحنا نروح لمين علشان نجيب حقنا؟؟!!”

وذكر عامل آخر فقال:” جم بتوع الإدارة وحاولوا يشغلوا البنات بس البنات ما رديتش، ولما ما رديتشي البنات خرجوهم برا المصنع، وبرا الشركة كلها

وقال عامل ثالث:” أحمد حبيش، واحد من المديرين، جه لنا وقال اللي عاجبه يشتغل، واللي مش عاجبه يروح، هو إحنا شغالين في طابونه ولا في قهوة علشان يقول لنا كده

وتحدث أحد العمال عن التمييز فقال:” إزاي أنا أبقي شغال بقالي سنتين- وفينا ناس واخده ليسانس، وبكالوريوس-  ومرتبي 300 جنيه، وجنبي عامل جديد أنا اللي علمته الشغل وبيشتغل نفس الشغل ويمكن بلدياتي وبيقبض 600 جنيه، وحافز 90 جنيه، حتي العلاوة الـ 30% بتاع الريس ماخدنهاش ؟؟!!”

وتحدث بانفعال عامل آخر فقال:” هو إحنا يهود علشان نبقي بقالنا 48 ساعة مضربين ومعتصمين وما حدش يعبرنا، حتي النجدة كلمناها في التليفون وما عبرتناش، هما بيبيعوا الشركات ويسيبوا أصحابها يعملوا اللي هما عايزينه، هما فين المسئولين دول؟!

وعن دور النقابة ذكر العمال أن بتوع النقابة جم وقالوا لنا فضوا الإضراب وأدونا فرصة علشان نحقق لكم طلبين بس وهما الخصم والعيادة، بس بقية الطلبات مش هنقدر نحققها، وإحنا إدناهم فرصة قبل كده مرات كثيرة وما عملوش حاجة لنا، قبل كده جم وسألونا طلباتكم أيه وكتبنا لهم ورقة بطلباتنا، وطلبوا مهلة لآخر الشهر، وآخر الشهر اتخصم لنا تاني، المرة دي قلنا لهم إحنا عايزين أمر واقع قرار مكتوب وإحنا نفض، فسبونا ومشيوا ومش بس كده دا فيه ناس فيهم بلغوا عننا أمن الدولة، إنه فلان وفلان بيحرضوا العمال علي الإضراب!!!

 المرصد النقابي والعمالي المصري

12 مساء يوم 26/3/2009

 

One Response

  1. […] دراسة حالة المرصد العمالي:قطع المياه والكهرباء عن عمال… […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: