اضراب جزئى لسواقين ميكروباص البرلس

عن محمد النحاس – مجموعه تضامن بالبرلس

كما جرت العاده من افراد الامن بدايه من الظباط حتى امناء الشرطه و المخبرين و باستخدام قانون الطوارىء الذى يسمح للامن استخدام وسائل النقل بحريه تامه لحملاتهم الامنيه و دون اعتراض من السائقين الذى لا حول لهم ولا قوه امام عنفوان الامن المتصاعد بكل انحاء الدوله , ففى موقف برج البرلس تعرض سواقين الميكروباص لضغوط شرسه يوم الاثنين الماضى (27/4/2009)لاجل السماح لافراد الامن باستخدام سياراتهم فى الحملات اليوميه و عندما اعترض السواقين على هذا الاسلوب من السخره و الاستغلال البين و رفضوا قياده السيارات لحساب الامن – قطعا دون مقابل يعادل المجهود و الوقت الضائع من السواق إذا كان هناك مقابل اصلا – الذى قام بدوره باطلاق التهديدات و الوعيد .

و بالفعل فى نهايه اليوم قام المخبرين بفرقعه كاوتش اكثر من سياره داخل الموقف من اجل الضغط على السواقين للرضوخ لمطالبهم مما استفز السواقين الذين قاموا فى اليوم التالى باعلان اضراب كامل لكل سواقين موقف برج البرلس اعتراضا على اسلوب البلطجه – المعتاد – من افراد الامن الذين لم يكتفوا بالخساره الماديه التى سببوها للسائقين بعد فرقعه الكاوتش بل هددوا ايضا بتحرير مخالفات للسائقين , لكن مع صمود السائقين امام الضغط الامنى قامت رتب كبيره من الامن بالبرلس بالتفاوض مع السائقين الذين اصروا على موقفهم و بالفعل تم الاتفاق معهم على عدم اللجوء لهذا الاسلوب مره اخرى من جانب الامن و ذلك فى حدود الثالثه عصرا

تقرير الرصد للحركات الاحتجاجية في الثلث الأول من إبريل

هذا جزء من تقرير صدر عن مركز آفاق اشتراكية للدراسات السياسية والاقتصادية يتناول الحركات الاحتجاجية في الثلث الأول من شهر إبريل. يقسم التقرير الاحتجاجات إلى أقسام: الأهالي والسكان، الفلاحين، التجار، العمال والموظفين، الطلبة،

الملخص: 14 تظاهرة و15 اعتصام و6 إضرابات

وحدة الرصد: عصام شعبان، مصطفى اسماعيل, عمرو يوسف

أصبحت الحركة الاجتماعية في مصر في ظل تصاعد موجات الغلاء وتراجع الظروف الاجتماعية و الاقتصادية أكثر وضوحا , تلك الحركة التي لم تستثني آلية من آليات الحركة المطلبية إلا و استخدمتها , فلا يمر علينا يوم بدون خبر عن اعتصام أو إضراب أو تظاهر أو مواجهة تحمل ملامح طبقية في طياتها.، شملت حركة الطبقة العاملة والموظفين والمهمشين والطلاب وتنوعت جفرافيا على نطاق واسع وتنوعتن ايضا من حيث مطالبها وقطاعاتها الفئوية فكان الحصاد النهائى وحسب ما تمكنا من رصده فى العشرة الأيام الأولى من شهر ابريل 14 تظاهرة و15 اعتصام و6 إضرابات . أما أحداث 6 ابريل فى المحلة وبعض المحافظات فسوف نقدم رصدا وتحليلا لها قريبا 

عن إضراب سائقي الميكروباص بمدينة السلام

كتب مجدي عبد الفتاح

قام سائقوا الميكروباص بمدينة السلام بإضراب شامل داخل مدينة السلام لمدة يومين، 10 و 11 مارس الماضيين، لرفضهم تنفيذ قرار مجلس المدينة برفع الأجرة من 50 إلى 70 قرش، هذا بعد أن ارتفع سعر لتر السولار إلى 95 قرش لاللتر الواحد

كان مجمل كلام سائقي الميكروباصات على النحو التالي: ” إحنا عاملين الإضراب ده علشان الناس مش ناقصة غلا. إحنا لو رفعنا الأجرة، الناس حتجيب منين. كل حاجة غليت وإحنا كلنا عندنا عيال . الناس بتركب معانا وهي بتدعي علينا علشان الأجرة 50 قرش وإحنا ملناش ذنب. شوف بقى لو رفعنا الأجرة تاني. إحنا بنقول يا رب أسترها معانا ، ده القرش اللي داخل مش مكفي علشان كدة مش عايزين نفتري على الناس. وإحنا حنعمل إضراب أكبر من ده مع زمايلنا في موقف السيدة عائشة ورمسيس. جالنا ضابط وقال لنا “كل (…) فيكم يقوم ويدور عربيته ويشتغل أحسن علشان إنتو عاملين رجالة كدة، بس لما أخدكو القسم حتبقوا نسوان”. إحنا زهقنا من الضباط والأمناء في الرايحة والجاية بياخدو فلوس. إحنا تعبنا منهم أوي علشان كدة يا ناخد حقنا يا إما نموت”. ا